Clifford Aiden's P. O. V
Nakatayo lang ako sa balcony at dinama ang hangin. Rinig ang ingay ng busina sa kalsada at mga taong magkakasama. Pinapanood ko lang silang lahat habang umiinom ako ng alak.
"Aiden.." Nilingon ko si Farja.
May hawak siyang kulay white na sweater.
"Suotin mo, malamig," aniya at ngumiti ng bahagya sa akin.
"Thanks," bulong ko at kinuha iyon.
Nilapag ko sa table ang baso ng alak ko, Sinuot ko ang bigay niya kaagad dahil aaminin ko namang malamig talaga pero mas malamig sa New York.
"Hindi mo ba napansin?" tanong niya.
Napataas ang kilay ko at napatingin sa kaniya. Hindi ko naintindihan ang ibig niyang sabihin.
"C-Couple tayo..." bakas ang lungkot sa boses niya habang nakatingin siya sa damit niya.
Napalunok ako, tama nga siya. Parehong-pareho kami ng sweater
