The New Heredem of Pixie dust (Season2)

Chapter 18

KHENDREY'S POV

Napatingin ako sa suot kong itim na dress at bahagyang napaismid. Tsk! Bakit ba kasi kailangan pang magsuot nito, kung alam naman nilang pool party ang pupuntahan namin.

Hindi na sana nila maalala na pupunta pala kami kina Izyll, kung hindi iyon pinalala ng mga lalaking iyon. Kaya ayon, na-excite naman ang dalawa at maaga kaming umalis kanina para makapaghanda sa party. Kaya heto at nag aayos na kami para pumunta kina Izyll.

"Hey!"

Napalingon ako biglang pumasok sa pinto ng kwarto ko at nakita ko sina Zhennie at Heart, na mukhang handa. Lumapit sila sa akin at nakangiting tiningnan ako.

"Omo! Ang ganda mo, ‘cous! Sigurado akong mai-inlove na saiyo niya'n si Izyll!" tuwang-tuwa sabi ni Heart.

Napataas-kilay naman akong napatingin sa kanya, dahil sa kanyang sinabi. Seriously? Saan naman niya nakuha ang salitang iyon.

"Umayos ka nga, Heart. Huwag niyo akong inaasar kay Izyll, purket nakasama ko siya sa isang Bar. Hindi ko iyon gusto," napaismid kong sabi sa kanya at bahagya pa siyang inirapan. Kaya naman narinig kong natawa sila sa sinabi kong iyon.

"Haha, sige na umalis na tayo. Oonga pala, nagdala na kami ng mga susuotin natin, lalo na iyong swimsuit hehe! Yeah! Excited na ako sa pool party!" masayang sabi ni Heart at bahagyang pumalakpak pa.

Napapailing na lang ako sa kanyang sinabi. Napatingin ako sa mga suot nila, simple lang pero napakagandang tingnan. Nag usap pa kami saglit at mayamaya ay nagpasya na kaming umalis. Si Zhennie na ang nagmaneho ng kotse, dahil alam daw niya ang venue ng party. Hindi ko alam pero, nararamdaman ko na doon sa mansion na iyon kami pupunta. Ngunit di bale na, kung ano man ang makikita at malalaman namin doon ay bahala na.

Panay ang pag uusapan ni Zhennie at Heart, habang nasa biyahe kami papunta kina Izyll. Tahimik lang ako at malalim ang iniisip. Hindi pa rin mawala sa isip ko ang tungkol sa nais nila makuha si Heart. Hindi ko hahayaan na may mangyaring masama kay Heart.

Inihinto ni Zhennie ang kotse sa isang malaking gate at tulad nang inaasahan ko ay ito nga ang venue ng party. Ang mansion kung saan ko sila pinuntahan. Napatitig ako sa paligid nito at napansin kong may kakaibang aurang nakapaligid dito. Isang kakaibang aura, na hindi katulad nang nararamdaman ko na laging may panganib na dala. Maaliwalas at magaan ang pakiramdam ko.

"Ipapasok ba natin ang kotse?" mayamaya ay tanong ni Zhennie.

Napatingin kami sa mga dumarating na bisita ng mga ito at nakita namin na nasa labas lang naman ang ibang kotse. Siguro ay puno na ang nasa loob, kaya nasa labas na ang iba.

"I-park mo na lang dito sa labas, dito na lang tayo bumaba," sabi ko kay Zhennie.

Napatango naman siya at naghanap ng pwesto. Nang maka-park na kami ay lumabas na kaming talo sa kotse.

"Grabe, hindi ko aakalain na dito sila nakatira. Medyo malayo sa ibang kabahayan at marami pang puno," sabi ni Heart at napapatingin sa paligid.

"Noong una ay ganoon din ang nasabi ko. Nakakatakot nga pero kapag nakita mo ang loob ay mapapahanga ka," sabi ni Zhennie kay Heart.

Napatingin naman ako kay Zhennie. Talaga ngang nakapunta na siya dito. Dito rin kaya niya nalaman ang pagkatao ni Yuan? Napatingin siya sa akin at nakita ko ang pagtataka sa mukha niya dahil nakatingin ako sa kanya. Kaya naman ngumiti lang ako at inaya na silang pumasok. Si Zhennie na ang nagdala ng bag, kung saan naroon ang gamit namin. Nang nasa gate na kami ay nakita ko ang pamilyar na mga bisita, dahil nga kaklase lang naman namin ang mga ito. Mayroon din hindi namin nakikilala.

"You came.."

Napatingin naman ako sa biglang nagsalita at nakita namin si Izyll na papalapit sa amin. Natigilan pa ako nang makitang may babaeng nakakapit sa braso niya. Hindi ko siya kilala at ngayon ko lang siya nakita. Hindi ko alam kung ano ang magiging reaksyon ko, habang nakatingin sa kanilang dalawa. Para bang may kung anong bagay akong naramdaman na hindi ko alam.

"Hi girls!" bati sa amin ng babaeng kasama ni Izyll.

Napatingin ako sa kamay ng babaeng nakakapit sa braso ni Izyll. Hindi ko mapigilan ang sariling sundan ang pagkakahawak nito. Hanggang sa mapatingin ako kay Izyll, kaya naman napaiwas na lang ako nang tingin sa kanila. Tsk! Bakit ko ba tinitingnan ang dalawang ito.

"Uhm, hello?" bati rin ni Heart.

"Thank you for coming, I'm Flare and I'm his cousins. Oh! Wait, is that you, Zhennie?" sabi noong babae at napatingin kay Zhennie.

Napatingin naman kami ni Heart kay Zhennie, dahil sa naging reaksyon ng babaeng kasama ni Izyll, na pinsan naman pala niya. Hindi ko alam pero nakaramdam ako nang ginhawa dahil sa narinig ko.

"Oh, right! Flare, p-pinsan mo pala si Izyll? Oh my god!" tugon naman ni Zhennie at nilapitan si Flare. Nagyakapan naman silang dalawa at tila ba tuwang-tuwa na makita ang isa't isa.

"Uhm, magkakilala pala kayo?" tanong naman ni Heart.

Nanatili lang akong nakatingin sa kanila. Pinagmasdan ko ang babaeng nagngangalang Flare. May nararamdaman din akong kakaiba sa kanya, tulad nang nararamdaman ko kina Izyll. Kung pinsan nga siya ni Izyll ay siguradong pareho silang dalawa na hindi rin normal na tao.

What's going on? Bakit pakiramdam ko may hindi tama sa nangyayari?

"Haha oo, we meet last month in a bar and we become friends. By the way, nandito rin pala si Cindy. Gusto mo ba siyang nakita?" sabi naman nito kay Zhennie.

"Woah! Talaga? Sure! By the way, I want you to meet my friends. She's Hearthelle and Khendrey, the Marthelle's cousin's," pakilala sa amin ni Zhennie.

"Oh? Hi, nice to meet you both, I'm Flare," pakilala nito sa sarili.

Tumango lang kami sa kanya bilang ganti. Mayamya ay inaya na nila kaming pumasok sa Mansion. Naramdaman ko namang tumabi sa akin si Izyll. Ngunit hindi ko siya nagawang kausapin, dahil naguguluhan pa rin ako sa nangyayari. Nararamdaman ko talagang may mali eh. Pagpasok namin sa loob ng Mansion. Napatingin ako sa portrait na nakita ko, noong una kong punta dito. Subalit natigilan ako nang hindi ko na iyon makita. Inilibot ko ang aking paningin, ngunit wala na akong nakita tulad nang unang punta ko dito.

"Itinago muna namin ang mga bagay na nakita mo dito, noong una mong punta," sabi ng taong nasa likod ko. Si Izyll.

Seryoso naman akong napatingin sa kanya. Ngayon nasisiguro ko na talagang may hindi tama sa nangyayari.

"Inalis muna namin iyon dahil baka makita ng mga kaklase natin. Ayokong may makaalam na dito nakatira ang babaeng minsan na nilang hingaan. Ang babaeng nakita mo sa portrait," sabi niya sa akin.

Bahagya akong lumayo sa kanya dahil ngayon ko napagtanto na may dahilan kung bakit kami ngayon nandito.

"Bukod doon, may iba pa bang dahilan kung bakit kami nandito?" seryoso kong tanong sa kanya.

Natawa naman siya sa tanong kong iyon, na tila ba nahulaan niya kung ano man ang nasa isip ko.

"Ano ka ba, huwag mag isip nang kung ano. Iyon lang naman ang itinago namin. Ayaw naming malaman na dito minsan nakitira si Sweetzhelle. Malaking tanong iyon sa buong campus at iyon ang iniiwasan namin," paliwanag niya sa akin.

Hindi ako nagsalita at iniwas lang ang tingin sa kanya. Inaya na niya ako palapit kina Heart at nakita kong may kausap pa silang babae. Iyon ata ang sinasabi ni Zhennie kanina na si Cindy. Naroon din sina Yuan at Jarryl.

"Oh, is she's your girlfriend, Izyll?" sabi nito sa amin nang makita kaming magkasama ni Izyll.

Napakunot-noo naman akong napatingin dito at bahagyang lumingon kay Izyll na katabi ko. Tinaasan ko siya ng kilay.

"Tsk! Hindi, ano ka ba," sagot ni Izyll dito at napapakamot sa ulo saka ngumiti sa akin.

Inirapan ko lang siya at tuluyang lumapit sa mga ito.

"Oh, sorry, I thought she's your girlfriend, haha! By the way, hi, I'm Cindy," pakilala niya sa akin at inabot ang kanyang kamay sa akin.

"I'm Khendrey," sagot ko at nakipagkamay naman sa kanya.

"Nice too meet you," nakangiting sabi niya sa akin. Tumango lang ako bilang tugon sa kanya at inalis na ang tingin dito.

Napatingin ako sa mga bisita nila, na halos kaklase lang naman namin. Sa kakatingin ko ay nasulyapan ko ang pamilyar na grupo. Tss, nandito rin pala ang babaeng ito.

"Mabuti at nandito rin ang babaeng iyon," sabi ko sa kanila.

Napatingin naman sina Heart, sa tinutukoy ko at nakita nga nila si Clarise na naka-bikini. Mukhang kasama nito ang isang babaeng kaklase namin. Tsk! Baka mamaya manggulo na naman iyan sa akin, lulunurin ko talaga siya sa pool.

"Nagulat din kami, pero hinayaan na rin namin. Huwag mo na lang patulan kung lalapitan ka na naman niya," sabi sa akin ni Izyll.

Hindi ako umimik at bahagyang umupo sa couch. Halos ang nasa pool ay naka-bikini na at may lights pa sa gilid ng pool. Kaya naging maganda ang paligid nito at nakakaakit.

"Actually, kayo lang talaga ang hinihintay namin. May mga pagkain na doon sa pool, kumuha lang kayo at kung magpapalit kayo ng damit, sina Flare na bahala sainyo," sabi sa amin ni Jarryl at tumango naman ang dalawang babae.

"Sige, magpapalit muna kami ng damit," agad na sabi ni Heart at tiningnan kaming dalawa ni Zhennie. Tumango naman si Zhennie at wala naman akong nagawa kundi ang sumunod na lang sa gusto nila. Pool party nga naman ito, kaya iyong iba ang naka-swimsuit na.

"Oh sure, halina kayo doon tayo sa kwarto namin," anyaya naman noong si Flare. Kaya naman sumama kami sa kanila.

Nakita ko pang nakatingin sa akin si Izyll, ngunit hindi ko na siya nagawang tingnan pa. Naglakad kami sa hagdan at mula rito ay naririnig rin namin ang ingay na nagmumula sa pool. Binuksan ni Flare ang isang kwarto at pumasok kami. Pagkapasok namin ay nilapag agad ni Zhennie ang bag na dala namin at kinuha naman ni Heart ang dala naming swimsuit.

"Ako muna ang magbibihis," sabi naman Heart.

Itinuro naman ni Flare ang bathroom, kaya naglakad siya patungo doon. Kaso tinawag niya si Zhennie para tulungan itong isuot ang swimsuit niya. Kaya naiwan ako, kasama sina Flare at Cindy.

Nararamdaman ko talaga sa kanila, kung ano man ang kakaibang nararamdaman ko kina Izyll. Nasisiguro akong hindi talaga sila normal na tao.

"Nakakatuwa naman at naging kaibigan niyo sila Izyll. Naku, bihira iyan magkaroon ng kaibigan eh," sabi no'ng Cindy sa akin.

"Oonga, mabuti at close kayo sa kanila," sang ayon naman ni Flare.

"Hindi naman masyado," tanging sabi ko at ngumiti saka kanila.

Mayamaya ay lumabas na sina Heart, kaya ako na ang sumunod na nagbihis. Isinuot ko ang isang two piece na kulay pulang swimsuit. Nang maisuot ko na ito ay lumabas na rin ako.

"Wow, bagay talaga saiyo iyan ‘cous!" puna agad sa akin ni Heart.

Hindi ko na lang pinansin ang kakaibang tingin nila sa akin. Inabutan ako nang manipis na kulay puting robe ni Flare. Maging sina Heart ay mayroon din. Matapos naming makapag ayos ay lumabas na kami. Maging sina Flare at Cindy ay nakasuot na rin ng Swimsuit. Sabay na kaming tatlo na bumaba sa hagdan at naabutan namin sina Izyll na naka-short. Nag uusap silang tatlo, habang may kasama rin ibang babae na kaklase lang rin namin.

"Hey!" tawag sa kanila ni Flare. Kaya nakuha namin ang atensyon nila.

Nakita ko pang nakangiti si Izyll na kausap ang isang babae at napalingon sa amin. Nakita ko ang dahan-dahang pagkawala ng kanyang ngiti, nang masalubong niya ang mga tingin ko. Nakaramdam naman ako nang pagkailang dahil sa kanyang kakaibang tingin na binigay sa akin. Iniwas ko ang tingin sa kanya at ibinaling sa iba ang aking mga mata. Bakit naman kasi kailangan ganyang ang tingin niya sa akin eh. Hays!

Nang makalapit kami sa kanila ay naramdaman ko pa rin ang tingin niya, na talagang tumatagos sa kaloob-looban ko. Nang bumaling ulit ako sa kanya at sinundan ko pa ang kakaibang tingin niya sa katawan ko. Nang tumingin ulit siya sa mga mata ko ay tinaasan ko siya nang kilay. Kaya natigilan siya at biglang napangiti na lang sa akin. Tss!