Lahat ng makakasalubong namin ay napapalingon sa aking gawi. Ganoon ang naging eksena magmula nang lumabas ako ng kwarto patungo sa hardin ng palasyo para mamasyal masyal. Kasunod sa aking likuran sina Binibining Lilo at Binibining Fana habang nasa pinakalikuran naman si Ginoong Fugar.
Napahinto ako sa paglalakad nang makakasalubong muli ang tatlong binibini sa aking daan. Ngunit may isa silang bagong kasama at halatang mas mataas ang panibagong binibini sa kanila dahil nagmukha silang alalay nito. Nangunguna sa paglalakad ang panibagong binibini habang nakasunod sa kanyang likuran ang tatlo. Habang malayo pa sila ay pinagmasdan ko ang panibagong binibini. Nakasuot rin ito ng kulay asul na bestida na halos katulad sa tingkad ng aking bestida. Diretso ang kanyang tindig at mukhang nagmula
