"Sa tingin mo, nakakahalata na ang Capo?" Untag ni Pierre kay Gael habang sila'y nakatanaw sa mga karwahe ng mga Villaroman na palayo sa mansyon.
Sinapo ni Gael ang likod ng kanyang batok at umiling. "Palagay ko'y may pakiramdam na siya." Tahasang pag-amin niya.
Sa totoo lamang ay alam ng binata na hindi katapatan ng mga Barcelona ang sinusubok ng kanilang Capo. It was his loyalty he wants to test. Lalo ngayong matunog ang mga balita tungkol sa rebeldeng grupo, naniniguro ang matandang pinuno ng mga Alpha na hindi niya tatraydurin ang kanilang lahi.
"Ano na ang plano natin? Hindi ba't sa oras na matukoy natin kung sino ang purong dugo ng mga Barcelona ay saka tayo kikilos?" Pabulong na tanong ng kasama niya at luminga sa paligid. "Nauubusan na tayo ng oras."
Isan
