Natagpuan ni Alison ang sarili na nakatulala sa isang pintang larawan na nakasabit sa loob ng opisina ng lolo Rogelio nila. Sa totoo'y ito ang unang beses niya na maka-apak sa kwartong ito. Noong mga bata pa kasi sila ay mahigpit na pinagbabawal sa kanila kahit sulyapan man lang ang pintuan ng kwartong ito.
At sa unang pagkakataon rin ay pinatawag silang tatlo nila Eleonor at Madison upang pulungin matapos ang mahabang pakikipag-usap nito sa pinuno ng mga Villaroman.
"Kahawig na kahawig mo siya, 'di ba?" Wika ng kanyang kapatid na si Madison. "That's tita Celeste."
"Paano mo nalaman?" Nagtatakang tanong niya at bumaling dito.
"Hindi mo siguro naaalala dahil bata ka pa noon pero malinaw pa sa alaala ko ang itsura niya." Sagot ni Madison na nanatiling nakatitig sa larawan.
"She's Lolo'
