"IF YOU WERE THERE, PAPA, maybe you would have beaten Uncle Pogi in basketball..."
Sinundan pa ni Nickos ang sinabi nito ng isang matinis na hagikgik.
Kanina pa ito panay ang kwento sa ama ng mga ginawa namin maghapon sa mall. Panay naman mahihinang tango lang at matitipid na ngiti ang isinasagot dito ni Sir Kael. Kapag hindi nakatingin ang anak ay kaagad na bumabalik ang walang emosyong anyo nito.
Kung titingnan, ay parang hindi lang nito magawang bulyawan ang anak at sabihang manahimik.
Kanina pa ito wala sa mood, pagdating pa lamang galing sa opisina. Kumibo dili rin ito habang kumakain ng hapunan. Ay ngayon nga ay narito kaming apat sa family room dahil nagyaya si Nickos na panoorin nilang tatlo ang DVD tape na kabibili lang ni Sir Kael noong isang araw. Ipinangako na nito iyon sa
