"S-SIR KAEL!"
Sa liit kong tao, hindi ko maubos-maisip kung papaanong dinalawang hakbang ko lang ang kinaroroonan nito, galing sa pintuan ng CR.
Hindi naman masyadong malaki ang silid ko, pero hindi rin naman ito matatawag na maliit. Pero sa gulat ko pagkakita rito, lalong-lalo na sa nakitang hawak nito, pakiramdam ko ay nag-akyatan ang lahat ng dugo sa ulo ko. Hindi ko na inalintana ang layo ng pagitan namin. Dali-dali akong lumapit dito upang agawin dito ang bulaklakin kong panloob.
Itinaas pa nito iyon sa ere at tila nakakalokong ipinahabol sa akin. Kahit nakatayo ako sa harapan nito ay wala pa rin akong panama rito. Mas mataas naman ako kaysa sa pilit nitong itinataas na panty kong hawak nito, kaya't hindi ko maintindihan kung bakit hindi ko iyon mahuli-huli.
"Sir Kael, akin na, na
