"ALAM MO, we should do this more often..."
Nag-angat ako ng tingin kay Sir Kael nang magsalita ito. Maganang-magana ito sa pagkain. Hindi katulad ko na kimi at natatakot na magkamali ng kilos.
Sa isang kilalang fast food chain sa loob ng mall kami kumain. Nang tanungin ako nito kung ano ang gusto kong kainin ay iyong value meal ng burger at fries lang ang itinuro ko. Ayoko nang gumastos ng malaki. Wala naman kasi sa budget na kakain pa ako sa labas. Ang balak ko, pagkasimba at pagkahulog ng pera ay uuwi na rin kaagad ako at sa mansyon na lang kakain.
Binuksan ko ang sling bag na nakasabit sa katawan ko at naglabas ng pera upang iabot dito. Ngunit kinunutan lang ako nito ng noo. Kahit anong pilit ko ay ayaw nitong tanggapin. Sa halip, ay itinaboy na ako nito para daw maghanap ng mauupuan
