"WHERE HAVE YOU BEEN, YAYA BETTY?"
Salubong kaagad sa akin ni Nickos pagpasok ko pa lamang ng mansyon. Base sa kislap ng mga mata nito pagkakita sa akin ay mukhang kanina pa ako nito hinihintay. Hindi ko tuloy alam kung ano ang isasagot ko rito.
Nag-alis muna ako ng bara sa lalamunan bago magsalita. "Ahm, n-nag-mass lang si yaya, Nickos." Pinilit kong ngumiti rito at ginulo ang buhok nito.
Lumabi ito at tumango-tango. Nagsalubong ang mga munting kilay. "Ate Marites told me that you left, after we do. You're going to a mass nga raw. And you were with Papa? You went to a mass together?"
Kung pakikinggan ay mukha namang napaka-inosente ng tanong na iyon ni Nickos. Kaya't hindi ko alam kung bakit nakaramdam ako ng pag-iinit ng mga pisngi sa huli nitong sinabi.
Kung gan'on ay alam ng mga t
