AAMININ KO NA halos wala akong naintindihan sa buong misa. Nakikita ko lang na bumubuka ang mga labi ng pari sa aming harapan, at naririnig ko ang mga sinasabi nito, ngunit hindi iyon tumitimo sa aking kaisipan.
Ang buong atensyon ko kasi ay nakatuon sa lalaking nasa tabi ko. Magkapatong ang dalawang kamay sa harapan ng katawan nito at malaki ang buka ng mga hita. Tahimik na tahimik ito na deretso lang ang tingin sa harapan. Para bang hindi niya napapansin ang mga panakaw na sulyap sa kanya ng ilang mga kadalagahan sa paligid. Mayroon pa ngang iba na hantarang nagbubulungan at naghahagikgikan sa aming bandang likuran. Ngani-ngani kong lingunin ang mga ito at pag-iirapan. Nakakadagdag pa sila sa distractions na nararamdaman ko.
Huminga ako ng malalim at napapailing na nagyuko ng ulo. Hind
