"NOW, TALK, MIKAEL! WHAT THE HELL WAS THAT?!"
Salubong kaagad sa akin ni Papa, pagpasok ko pa lamang ng library.
Hindi ako kaagad nakakibo. Sandali akong natigilan at nagpalipat-lipat ang tingin sa kanilang dalawa ni Mama na parehong nakatuon na kaagad ang tingin sa pagpasok ko.
Para akong pain na pumasok sa hawla habang naghihintay ang dalawang tigre.
"Ipaliwanag mo sa amin kung anong kalokohan ang pinag-gagagawa mo sa yaya ng anak mo! Gaano mo na katagal pinakikialaman ang batang 'yon?!" Parang stress na stress na sunud-sunod na tanong ni Mama, na nanlalaki pa ang mga mata. "Kaya ka ba nagpasyang bumukod ay para malaya mong magawa ang gusto mo sa babaeng 'yon? That girl is still a minor, for God's sake, Mikael!"
Kulang na lang ay maghisterya ito. Ibinuka ang hawak na abaniko at para
