"HINDI KA NGA PWEDENG SUMAMA."
"Bakit nga hindi?" Lukot na lukot ang mukhang tanong sa akin ni Kael habang nag-eempake ako ng mga gamit ko.
Nahiga ito sa gilid ng kama ko at pinagsalikop sa likod ng ulo ang dalawang kamay.
"Paano ko naman ipaliliwanag sa mga tao sa amin kung sino ka at bakit kita kasama?" Hindi tumitinging patanong na sagot ko rito.
Ang buong atensyon ko ay nasa ginagawa kong pagtitiklop sa mga damit ko na nagkalat sa kama, pagkatapos ay ipinapasok ko iyon sa maliit na travelling bag ko.
Mula pa kanina ay hindi na ito tumigil nang kakukulit sa akin.
Birthday ni Papa sa makalawa at ang balak ko sana ay umuwi sa aming bayan upang madalaw na rin ito. Mula nang umalis ako sa amin, halos limang buwan na ang nakararaan ay hindi ko pa man lamang ito nadalaw kahit na isang b
