LINGGO.
Araw ng simba. Maaga pa lang ay nakagayak na ako. Day off ko ngayong araw. At nais kong umpisahan ang araw ko sa pasasalamat sa Diyos sa lahat ng mga biyaya na ibinigay nito sa akin.
Maya-maya ay aalis din sina Senyora Milagros at ang asawa nito, kasama si Nickos para daw magsimba at ipasyal nilang mag-asawa ang bata, pagkatapos. Iyon naman ang usapan namin. Kapag araw ng day off ko ay sa kanila si Nickos. Hindi ko alam kung kasama nila si Sir Kael, o hindi. Noon kasing mga nakakaraang linggo ay ang tatlo lang palagi ang nakikita kong umaalis ng mansyon.
Naihanda ko na kagabi pa ang lahat ng mga kakailanganin ni Nickos para sa pag-alis nila. Mula sa mga pamalit na damit, pamunas ng pawis, tubig at kaunting snacks. May ugali kasi si Nickos na bigla na lang maghahanap na makukutko
