"WHERE ARE WE GOING, PAPA?"
Malakas na tanong ni Nickos sa ama, sa matinis na tinig. Halata ang excitement sa mga kilos nito habang may pagmamadali ang bawat mga hakbang na bababa ng hagdanan. Nakakapit ang isang kamay nito sa balustre, habang inaalalayan ko naman sa kabila.
Mula sa cellphone nito ay nag-angat ng tingin sa amin si Kael. Malapad ang pagkakangiti nito mula sa binabasa mula roon. Isang sulyap pa ang ginawa nito sa aparato bago ini-off ang screen at saka isinilid na sa bulsa. Tumayo ito mula sa pagkakaupo sa pang-isahang sofa at sinalubong na ang anak sa hagdanan. Itinaas naman ni Nickos ang dalawang kamay sa ama, tanda na nagpapabuhat ito sa huli, tatlong baitang pa bago kami makarating sa baba.
Na kaagad namang pinaunlakan ng lalaki. Inabot nito ang anak at walang kahirap
