"MAHAL..."
Ang pandalas na paggalaw at tinig ng katabi ko ang siyang nagpagising sa akin. Marahan kong iminulat ang mga mata ko at nilinga si Kael sa aking tabi. Akala ko ay gising na ito at tinatawag ako.
"Hmm...?" Sagot ko pa sa akalang pagtawag nito.
"Aria..." Sambit nitong muli.
Nangunot ang noo ko at tuluyan nang nagising.
Parang noon pa lamang luminaw sa akin ang nagaganap. Nakapikit ang mga mata nito at pabiling-biling ang ulo. Mukhang balisa. Tagaktak din ang pawis sa leeg nito habang butil-butil naman ang nasa noo.
"M-mahal, ano ang nangyayari?"
Nananaginip ito!
At base sa nakikita kong reaksyon nito ay hindi maganda ang panaginip nito. Mabilis akong bumangon at dinaluhan ito.
"Kael..." untag ko rito kasabay ng banayad na pagyugyog sa dibdib. Basa na rin ng pawis ang kami
