"BABY, ARE YOU OKAY?"
Kaagad na lumapit sa akin si Kael nang makita nito ang pagbangga ko sa hindi nakikilalang lalaki.
Nasa isang souvenir shop kami sa loob ng Ocean Park at tumitingin ng maaaring mabili. Nakita ni Nickos ang isang malaking dolphin stuff toy at itinuro sa ama, kaya naman kaagad ng mga ito iyong nilapitan. Habang ako ay abala pa rin sa pag-iikot-ikot na naturang shop. Pagbaling ko sa kaliwa ay hindi ko inaasahan ang pagsulpot naman ng isang lalaking nakahoodie jacket na may dala namang ilang mga laruan na produkto rin ng shop. Hindi sinasadyang nagkabungguan kami. Nagkalat tuloy sa sahig ang mga laruang hawak nito. At gumawa rin iyon ng ingay, kaya't napalingon sa amin si Kael. Kinarga kaagad nito si Nickos upang daluhan ako.
"S-sorry." Mabilis akong umuklo at tinulunga
