"S-SIR K-KAEL..?"
"Hmmm...?"
Nahigit ko ang paghinga ko nang idikit ni Sir Kael ang ilong niya sa batok ko. "Can't sleep, Mahal ko?" Dinig na dinig ko ang rahas ng bawat paghinga nito sa likod ko.
Itinukod ko ang isang kamay ko na walang hawak na baso sa lababo at pumiksi. Ginamit ko ang siko ko upang makawala sa pagkakakulong ng mga bisig nito sa akin sa harapan ng lababo ngunit idiniin lang nitong lalo sa likod ng ulo ko ang ilong niya.
Bumaba ang tingin ko sa dalawang malalaking kamay nito na mariing nakakapit sa edge ng lababo. Naglalabasan ang mga ugat nito sa mga kamay at braso sa higpit ng kapit nito roon. Tila doon ibinubunton ang nararamdamang gigil.
Hindi naman nakadikit sa likod ko ang harapan ng katawan nito. Tila pa nga sinisiguro nito na mayroong sapat na distansya ang p
