"AHM, BEATRICE..." matatalim ang mga tingin na sinilip ko si Sir Kael mula sa gilid ng aking mga mata. "Paabot ng beef steak."
Nilingon ko ang kinalalagyan ng beef steak sa mesa. Nasa may bandang harapan ko nga iyon, ngunit kung iuunat niya ang mahaba niyang braso ay kaya naman niya iyong abutin.
Muli kong ibinalik ang tingin ko rito. Walang anuman itong naghihimay ng isda sa sariling plato, gamit ang kutsara at tinidor. Kapagkuwan ay painosenteng bumaling sa akin. Animo hinihintay nga na iabot ko sa kanya ang lalagyan ng beef steak.
Ilang sandali kaming nagsukatan ng tingin. Sa bandang huli ay ako rin ang hindi nakatagal. Pabuntong-hingang kinuha ko ang kinalalagyan ng beef steak at iniabot dito.
"Thank you." Malapad ang ngiti na turan nito, pagkatapos.
At hindi pa ito nakuntento...
