"HOOOY! SAAN MO NAKUHA ANG BABAENG 'YAN?"
Naulinigan kong malakas na sabi ng isang babae, hindi kalayuan sa akin. Bakas sa tinig nito ang pagkagulat at pagkataranta.
Mula pa kaninang hawakan ako ng kung sino mang may pangko sa akin ay pinagbalikan na ako ng malay. Kahit hinang-hina ay pilit pa kong nagpipiglas sa mga hawak nito, dahil iniisip ko na baka ang amo kong lalaki ang nakatagpo sa akin. Napanatag lang ako nang magsalita ito.
"Huwag kang matakot, Miss, hindi ako masamang tao. Ipapasok lang kita sa loob dahil basang-basa ka at ang taas ng lagnat mo. Kapag nagkataon pulmunya ang ikamamatay mo." Pagkausap nito sa akin, marahil ay para kalmahin ako.
Hindi ko kilala ang tinig nito. Ngunit isa lang ang sigurado ko; hindi iyon ang tinig ng amo kong lalaki.
Kahit na papaano ay nakaram
