"TOTOO BA, na tinangka kang gawan ng masama ni Mr. Espinosa, kaya ka napunta sa harapan ng aming bahay?"
Matayog ang pagkaka-arko ng isang kilay, mataman at tila nanunuot sa aking kaibuturan ang ginawang paghagod sa akin ng tingin ng Senyora'ng tinutukoy ni Marites. Tila ito isang reyna na nakaupo sa kanyang trono habang nanunuring nakatunghay sa kanyang mga alipin.
Nakayukong mahina lamang akong tumango sa tanong nito.
Kanina ay ikinuwento na ni Marites sa amo kung papaano nila akong natagpuang halos wala nang malay sa labas ng kanilang bahay, sa kasagsagan ng ulan, kaninang umaga. Kinagalitan kasi ito ng huli dahil sa pagpapapasok umano ng hindi kakilala sa mansyon ng mga ito.
Sa ilang saglit ay mataman pa rin ako nitong tinitigan. Tila pinoproseso sa isip ang mga sinabi ng kasambaha
