"AYAAANNN, POGING-POGI KA NA."
Hinawi ko pa ang buhok ni Nickos papunta sa gilid bago may panggigigil na pinisil ang pisngi nito. Hindi naman masyadong mariin kaya hindi naman ito nasaktan. Humagikgik pa nga ito na parang nakikiliti.
"Thank you, Yaya." Sabi nito na humahagikgik pa rin.
Nginitian ko ito at saka tumayo na. Inabot ko ang maliit na bag na naglalaman ng tubig, pamunas at baon nitong snacks na nakapatong sa ibabaw ng kama at inakay na ito upang lumabas ng silid. Baka naghihintay na si Sir Kael dito sa ibaba.
Ngayon ang araw ng enrolment para sa school na papasukan ni Nickos. At inutusan ako ng Senyora kanina sa almusal, habang pinakakain ko ang alaga ko na bihisan ko raw ito sapagkat pupunta raw ang mag-ama ngayon sa paaralan upang i-enrol ang bata. Walang imik akong tumango
