Nagpatuloy ang kasiyahan sa bridal shower ni ate Sasa. Nakangiti ang labi ni Abby ngunit mabilis naman ang pintig ng kanyang puso. Kanina pa kasi nakasimangot ang binata sa kanyang tabi at hindi maipinta ang mukha. Pinagsuot din pala siya nito ng coat na hinubad nito kanina. Kahit nakikisabay ang lalaki sa mga asaran ay alam niyang galit ito base sa mga malalamig nitong tingin sa kanya.
Alam niyang may parusang naghihintay sa kanya sa oras na matapos ang gabing ito. Sinuway niya ang utos ng senyorito at tumakas siya sa hotel. Kaya naman nang abutan siya ni Valeria ng alak ay agad niya iyong kinuha. Kailangan niya ito para mabawasan ang tensyon.
"Huwag kang maglalasing." Sabi ni Damon sa kanya ng makitang pang tatlong shots na niya iyon.
"Hindi yan senyorito..Promise." Ngiting sabi ni
