Mabilis lumipas ang araw at nakauwi na sina Abby sa hacienda isang araw matapos ang kasal ni Sasa. Masaya siya at naging bahagi at saksi sa pag iisang dibdib ng babae at ni Sir Kean. Hindi nga niya napigilang tumulo ang luha ng makita si Ate sasa nag lalakad patungo sa altar. Sa wakas, nakamit na nito ang pag ibig at wagas na pagmamahalan kasama ang asawa at magiging mga anak.
Habang inaalalaa ang araw na iyon ay nakangiti si Abby. Kahit naglalakad siya pauwi ay hindi niya mapigilang isipin kung magiging ganoon din ba ang buhay niya? May lalaki pa kayang kayang magmahal sa kanya sa kabila ng katotohanang may nauna nang nagpakasasa sa kanyang katawan?
Napailing siya at tinutok ang mata sa daan. Suminghot siya ng sariwang hangin at nagpatuloy sa paglalakad. Galing siya sa skwelahan nila
