Nasa klase pa si Abby ng mga oras na iyon at kakatapos lang ng lecture nila. Lumabas na din ang professor nila kaya dinampot na niya ang mga gamit sa mesa at naghanda ng umalis. Ilang araw na rin naman at matatapos na ang semester na ito kaya makakahinga na siya ng maluwag dahil sasabak na naman siya sa ikatlong taon sa kolehiyo.
May pasok pa siya sa mansion pagkatapos nito kaya kailangan niyang makauwi ng maaga. Nagmadali siyang naglakad sa corridor ng skwelahan nila ng mapakunot ang noo dahil sa nag uumpukang studyante malapit sa may gate. Hindi na niya sana iyon papansinin kung hindi lang niya narinig ang pangalan ni Damon El Cuego na binanggit ng isang babaeng studyante.
"Sino kaya ang hinintay niyan? Ang swerte naman ng babaeng 'yon! Ang gwapo ni Damon El Cuego.. Dinaig pa ang mga
