Nakauwi na sina Abby sa Hacienda tatlong araw na ang nakalipas. Dalawang araw silang nanatili sa condo nito dahil sa mga meeting na pinuntahan ng lalaki doon.
Sinulit nila ang dalawang araw kapag nasa condo nito at halos ayaw na siyang pakawalan ng lalaki. Para silang namuhay mag-asawa sa loob ng dalawang araw. At sa loob ng dalawang araw na iyon ay nakilala niya ang ibang katangian ng isang Damon El Cuego.. Kahit na madalas itong masungit at suplado ay mabait at maalalahanin ito. Malambing at para itong baby kapag gustong magpapansin. Tuloy ay naguguluhan siya sa nararamdaman. Hindi din niya maiwasang isipin kung paano kaya kung totoo ang lahat ng iyon at hindi lang dahil sa gusto nitong makuha ang katawan niya.
Masakit man aminin ay iyon ang katotohanan. Na sa kabila ng magandang tra
