Ang kaninang sakit na naramdaman ni Abby ay parang bolang bigla nalang naglaho at napalitan ng hindi maipaliwanag na pakiramdam. Wala siyang mahagilap na sabihin sa lalaking seryoso ang tingin sa kanya na para bang wala itong sinabing nakakabigla.
"Uhm, A-ako? Manliligaw i-ikaw?" sa wakas ay nagawa niyang bigkasin kahit nauutal. Nagririgodon ang loob ng dibdib niya na parang may pusa at daga na naghahabulan doon.
"Yes." Mabilis nitong sagot na nakangiti. Muntik na siyang mabilaukan ng makita ang nakakapugtong hininga nitong ngiti!
Diyos ko! Ngayon lang niya nakita ang lalaki na ngumiti ng ganoon. Kadalasan kasing expresyon ng mukha nito ay masungit at suplado. Kung hindi nakakunot ang noo ay pilyo naman ang ngisi. Pero ngayon ay iba. Parang ang sincere lang ng dating sa kanya.
"P-pa
