***EYRNA***
Kahit sa pangalawang araw ni Eyrna sa bakasyon ay puros magagandang salita at papuri ang tinatanggap niya mula sa kanyang kababaryo. Kesyo ang suwerte raw ni Aling Emilda sa pagkakaroon ng anak na katulad niya. Maganda at mabait na nga’y may napakagandang boses na puwede ipanlaban kahit sa ibang bansa.
“Ipinagpapasalamat ko nga sa Diyos dahil kahit ganito lang ako ay binigyan ako ng mga anak na tulad ni Emmil at Eyrna,” buong pagmamalaking sinasabi lang naman ni Aling Emilda kapag ganoon ang usapan.
“Mabuti na lang talaga at sa akin sila mga nagmana na artistahin,” tapos ay ibibiro sa huli na tatawanan naman ng mga kausap.
Ang totoo ay sa walang kuwenta nilang tatay sila nagmana. Kaya nga naging babaero dahil may hitsura ang tatay nila ni Emmil.
“Sana gumaya kay Eyrna it
