***EYRNA***
“Dalian mo na’t sumakay ka na, mahal ko,” pagmamadali ni Darion kay Eyrna pagkaupo sa paragos.
“Safe ba tayo riyan?” Alanganin kasi si Eyrna na sumakay. Parang mahuhulog sila kapag doon sila sasakay, lalo na’t pababa sila ng bundok. Mas safe pa yata sila kung maglalakad na lang sila. At saka, kaya kaya silang hilain ng kalabaw ni Ka Menyong? Ang bigat na kasi ng paragos tapos may limang kain pa ng strawberry, dadagdag pa sila ni Darion. Kawawa naman ang kalabaw.
Ang paragos ay isang parang kareton pero walang gulong at hinihila ng kalabaw. Doon daw isinasakay ang mga gulay, prutas, at mga alagang hayup na ibinebenta ng mga tag-baryo sa ibabang bayan.
“Huwag kang mag-alala, Eyrna. Makakarating tayo sa bayan ng San Fernando ng ligtas. Hindi tayo ipapahamak nitong kalabaw ko,”
