***EYRNA***
Napakislot si Eyrna nang tumunog ang kanyang cellphone. Agad binundol ng matinding kaba ang dibdib niya nang makita niya kung sino ang tumatawag – si Revo.
Imbes na sagutin ay ini-slide niya ang cancel button. Naiinis siya dahil may signal pa pala kahit na medyo malayo na ang nararating nila sakay ang paragos.
Kanina’y nagulat na lamang sina Ka Menyong at Ka Lino nang hilingin niyang sila’y umuwi na. Mabuti na lamang at hindi siya inusisa ng maigi kung bakit siya nagmamadali sa pag-uwi.
Malalim na buntong-hininga ang kanyang pinakawalan. Nang sulyapan niya si Darion sa kanyang tabi ay nakita niyang nakatitig pala sa kanya ito.
“Sino si Revo?” tanong nito matapos ang ilang sandali nilang titigan.
Nagkibit-balikat siya. “Wala ‘yon. Isang kakilala lang.”
“Bakit hindi mo
