***EYRNA***
Naalimpungatan si Eyrna sa malakas na tunog ng helicopter na dumaan sa tapat ng kubol.
“Ano ba ‘yan istorbo naman ng tulog,” ungol niyang nainis.
Napilitang nagmulat siya ng mga mata. Nagtataka din kasi siya dahil parang may mabigat na bagay na nakadagan sa dibdib at mga binti niya.
At muntikang kumawala ang isang malakas na tili sa lalamunan niya nang makita niya ang mukha ni Darion. Hubad na nakayakap sa kanya. Mabuti na lamang at napigilan niya ang sarili nang mabilis na ipinaalala sa kanya ng isipan ang mainit at masarap na pinagsaluhan nila ng binata kanina.
“Darion, gising,” sa mahinang boses ay niyugyog niya ang mga balikat nito.
“Hi,” pupungas-pungas na bati sa kanya ng binata.
“Bakit nandito ka pa sa kubol ko? Sabi mo kanina ay aalis ka na?” sita niya rito, sa
