***EYRNA***
“Huwag kang maniniwala sa pinagsasabi ng lalaking ‘yon.” Kinakausap ni Eyrna ang sarili habang pabalik-balik siya ng lakad sa maliit na kubol.
Hindi pa rin niya mapaniwalaan iyong sinabi ni Darion na mahal na raw siya at handa pa raw siyang pakasalan. Pilit na isiniksik niya sa kanyang utak na hindi iyon totoo na damdamin, gawa-gawa lang iyon ng utak ni Darion na may amnesia. Hindi siya dapat maniniwala at kikiligin.
Katunayan ay sinabi niya kay Darion kanina bago sila maghiwalay na dapat iwasan na nila ang isa’t isa dahil hindi tama na ganoon ang nararamdaman nito sa kanya. Na nililinglang lang siya ng hiram na pag-iisip nito. Sinabi niya na hindi iyon ang tunay nitong pagkatao kaya huwag itong padadala. Sapagkat kung babalik na ang memorya nito ay ito lang din ang mahihira
