***EYRNA***
Itinataas ni Eyrna ang kanang braso, ang kaliwa nama’y ipinapahid sa noo kapag pinagpapawisan. Kanina pa siya umaga na ganon. Naghahanap kasi siya kahit isang bar man lang sana ng signal.
Naisip niya na nasa taas naman sila ng bundok bakit kaya walang signal ang kanyang cellphone?
Naive na kung naive, pero nagtataka na siya.
Doon kasi sa probinsya nila kapag mahina ang signal ay nagtutungo sila sa mataas na lugar. Eh, nasa pinakamataas na nga yata siya ngayon na lugar, eh.
“So, nandito ka pa rin pala? Kanina ka pa rito, ah?” si Darion nang lapitan siya.
Hindi na siya nagulat sa presensya nito dahil naroon lang naman ito kanina sa di-kaluyaan at nagsisibak ng kahoy. Nakatingin sa kanya. Alam niya dahil aminado siyang pasulyap-sulyap din siya rito kanina.
Isa pa’y sa ta
