***EMMIL***
May sumundo sa kanyang Ate Eyrna na babaeng galing loob ng GME. May ID ang babae kaya tiyak niya na staff iyon ng malaking TV network o kaya naman ng programa na nagaganap sa sandaling iyon.
Patinga-tingala siya na palapit sa station nang hindi na niya matanawan ang kapatid. Sa gate ay kinausap niya ang guwardya.
“Puwede po pumasok, Kuya?”
“Staff o artista ka nila?”
“Manonood lang sana ako,” palusot niya.
“Naku, doon sa kabilang gate ang entrance ng viewers ng Sunday Showtime. Pumila ka roon.”
Naningkit ang kanyang mga mata. Sunday Showtime? Bakit sinalubong ng tauhan ng Sunday Showtime si Ate Eyrna niya?
“Ah, sige po. Salamat po. Mali pala napuntahan ko,” aniya sa guwardya sabay bahagyang pagyukod bago tumalikod.
Tinawagan na niya ang kanyang Kuya Revo.
“Anong bali
