***EYRNA***
“Sige na, matulog ka na nang makabawi ka ng lakas,” masuyong sabi niya sa asawa. Nakahiga ito sa kawayan nilang kama at siya nama’y nakaupo sa gilid habang hinahaplos-haplos ang noo nito. Pinapa-relax niya dahil tiyak niyang masakit ang buong katawan nito mula sa pagkakabugbog ni Revo. Katibayan ang mga pasa na nito sa mukha.
Nasa kubol na nila silang dalawa at parang walang nangyari.
“Huwag ka na namang umalis. Gusto ko paggising ko ay nandito ka lang sa tabi ko. Hindi ko alam pero nakakaramdam ako ng takot. Patawarin mo ako pero hinihiling ko na sana’y hindi na bumalik ang lalaking iyon dito sa baryo. Malakas ang kutob ko na may dala siyang malaking gulo sa ating pagsasama,” paglalambing naman ni Darion.
Hinaplos-haplos niya ang noo nito. “Huwag kang mag-isip ng kung an
