***EYRNA***
May asawa na siya tapos si Lailey pa na umangkin sa boses mo. Hindi mo na kailangang pag-isipan kung anong gagawin. Hiwalayan mo na agad si Darion! sapilitang dikta na niya sa kanyang puso’t isipan.
Lampas dalawang oras na kasing pinagmamasdan niya ang sea of clouds na nasa kanyang harapan, ngunit hanggang ngayon ay wala namang malinaw siyang napagdedesisyunan.
Para lamang siyang tanga na nakatunganga sa mga ulap habang lumuluha. Animo’y nanadya na bumaba ang mga ulap upang payapain ang kanyang kalooban. Doon siya napadpad sa kanyang kakatakbo kanina. Nagulat na lang siya na naroon na siya.
Mayamaya lamang ay napabuntong-hininga siya ng malalim pagkatapos ay pinunas na naman ng mga palad niya ang mga luha. Hinawi rin niya ang mga buhok sa kanyang tainga.
“Kaya mo ‘to, Ey
