Mataas ang nabagsakan ko at sa totoo lang nagkamali pa ng bagsak ang mga paa ko pero binalewala ko ‘yon. Pinilit kong tumayo at saka tumakbo. Hindi ko alam kung ano ang direksiyong tinatahak ko. Basta ang gusto ko lang makalayo. Nakakabingi ang t***k ng puso ko, lalo na nang paglingon ko makita kong tumatakbo na pahabol sa akin ang tatlong lalaki. Ibinalik ko ang tingin sa harapan ko at lalong binilisan ang takbo. May bikig sa lalamunan ko at naiiyak na ako sa takot pero hindi ako tumigil. Kailangan kong makalayo. Kailangan kong makabalik sa amin.
Pero kahit gaano kalayo ang natatakbo ko naririnig ko pa rin ang pagsunod nila sa akin. Naririnig ko ang sigaw at pagtawag nila. Ang pagmumura. Ang mga banta na hindi maganda kapag nahuli daw nila ako. Pinag-igi ko ang pagtakbo p
