Ryven's POV
Halos isang taon na ako dito sa Palawan. Bumili ng isang private resort na property si Isaac dito at sa loob ng halos mag iisang taon ay dito ako naninirahan.
Ako rin ang namamahala nito.
Buhat ng ipinag tabuyan ako ni Raine ay mas pinili ko na lamang na manirahan dito upang makalayo at makalimot.
Akala ko ay ganoon lamang kadali ang makalimot ngunit sa paglipat ng mga araw, linggo at buwan ay walang laman ang aking isipan at ang aking puso kung hindi ang aking mag iina, ang magandang mukha ni Raine na halos araw araw ay lumilitaw sa aking balintataw.
Mahirap man ay tinitiis ko dahil yun lamang ang kahilingan ni Raine, ang mawala ako sa buhay nila, ang maglaho na parang bula. Nangungulila man ang puso ko ngunit tinitiis ko lamang ang lahat dahil ganoon ko kamahal si Rai
