Raine's POV
"Kuya Ray pwede mo ba akong samahan muli kay Isaac?" Wika ko sa aking pinsan.
Napabuntong hininga sya at napapailing.
"Sa tingin mo ba ay haharapin ka ni Isaac?
Ilang beses na tayong pabalik-balik sa kanya ngunit hindi nya tayo hinaharap. Naaalala mo ba ang mga binitawan nyang salita sa iyo nuong huling ipagtabuyan mo si Rye?" Nag aalangan nyang ani sa akin.
Kahit ako ay nag aalangan dahil alam ko ang galit nya sa ginawa ko kay Rye sa Milan. Pero wala na akong ibang choice. Mag sisiyam na buwan na kami dito sa pilipinas ngunit hindi pa rin namin mahanap si Rye.
"Kuya kung saan-saan na tayo naghahanap, ang mga private investigators na binabayaran natin ay wala ring maibigay na impormasyon sa atin, pakiramdam ko habang tumatagal ay lalo syang unti-unting nawawala sa buhay
