Chapter 9
Mag-a-alas syete na nang umaga pero nakahiga pa din ako sa kama at balot na balot ang buong katawan ko sa kumot. Pinatay ko yung aircon kaninang madaling araw pero giniginaw pa din ako hanggang ngayon.
Kanina ko pa gustong bumangon, pero parang ang bigat-bigat ng katawan at ulo ko dahil hindi sila sumasang-ayon sa gusto ko. Inilapat ko ang likuran ng palad ko sa noo ko at naramdaman ko ang init nito. Bakit ba kasi ngayon pa ako nilagnat? Tsk.
Kinuha ko ang cellphone sa ibabaw ng bedside table at ilang ulit ko itong nabitawan dahil nanlalambot ang kamay ko. Sinubukan ko ulit itong kunin saka pinilit na hawakan ng mahigpit para hindi ko ito mabitawan.
Kaagad akong nag-type ng message kahit pupungay-pungay ang mga mata ko at agad na isinend kay Aicel para ipalaam na hindi ako ma
