Pinagmamasdan ni Kiara si Heaven mula sa 'di kalayuan habang kausap nito ang ibang professor. May ngiti sa kaniyang labi habang nakatingin sa napakagwapo niyang professor. Tila ayaw na nga niyang alisin ang kaniyang mga mata kay Heaven.
Hay naku! Hindi ko na yata mapipigilan pa ang puso ko na mahulog kay sir Heaven! Wala na akong magagawa pa kun'di hayaan na lang ito dahil mas lalo ko lang siyang minamahal kapag pinipigilan ko ang sarili ko. Pero ano ang gagawin ko? Hindi naman niya ako gusto....
Bumuga siya ng hangin bago tinakpan ang kaniyang mga mata ngunit kahit na tinakpan na niya ang kaniyang mga mata, si Heaven pa rin ang pumapasok sa isipan niya. Si Heaven pa rin ang nakikita niya. Binatukan siya sa ulo ng kaniyang kaibigan na si Jenica kaya naman napatingin siya dito.
"Hoy! Ala
