"Jenica, may napapansin ka ba kay Kiara?" tanong ni Darwin sa dalaga.
Kumunot naman ang noo ni Jenica. "Ha? At katulad naman ng ano?"
Tumikhim si Darwin. "Katulad na lang kung may lalaki ba siyang nagugustuhan? Kung may lalaki bang umaaligid sa kanya o ano?"
Umiling si Jenica. "Walang lalaking umaaligid kay Kiara. Kung mayroon man, hindi naman kasi niya pinapansin."
"Sa tingin mo ba... may lalaki kaya siyang nagugustuhan? Sa tingin mo sino kaya iyon?"
Humalukipkip si Jenica. "At bakit mo naman natanong? Bakit bigla kang naging interesado? May gusto ka ba sa kanya?"
Napalunok ng laway si Darwin bago dahan- dahang tumango. "Matagal ko ng gusto si Kiara. At sa tingin ko nga hindi ko lang siya basta gusto, mahal ko siya. Kaya pinili kong dito lumipat nang malaman kong nandito siya nag- a
