Hindi mapakali ang dalaga habang naglalakad sila pabalik sa tinutuluyan nilang kwarto. Abot-abot ang kaba na kanyang nararamdaman. Kay higpit nang hawak ng binata sa kanyang baywang. Ramdam niya ang init na dumadaloy mula sa katawan nito na nagdudulot din ng kakaibang pakiramdam sa kanya. May idea na siya sa kung ano ang pwedeng mangyari sa kanila mamaya. Naroon ang takot ngunit mas nananaig ang sinasabi ng kanyang katawan. Naroon ang pananabik. Anuman ang mangyari mamaya, sana ay hindi niya pagsisihan bandang huli.
Wala pa ring nagsasalita sa kanilang dalawa ng makarating sila sa tapat ng kanyang kwarto. Tanging ang paghinga nila ang naririnig. Mataman siyang tinitigan ng binata. Naroon ang pagmamahal at pagnanasa sa mga titig nito. Nagyuko siya ng ulo nang hindi niya makayanan ang klase
