Cherry
Pagdating namin sa kanyang bahay ay nginitian niya ako bago siya lumabas ng kanyang sasakyan. Sumunod akong bumaba at hawak kamay kaming sabay na pumasok sa kanyang bahay. Hanggang ngayon ay hindi pa rin ako makapaniwala na ginawa namin iyon sa aking opisina. Pagpasok namin ay naabutan namin ang kanyang ama at ang binata na naglalaro ng scrabble. Napatingin silang dalawa sa amin. Dumako ang tingin ng kanyang ama sa magkahawak kamay naming kamay ni Jethro at napangiti ng malapad.
“Does it mean that you guys are back together?” tanong ng kanyang ama.
Nagtinginan kami ni Jethro at ako ang unang umiwas ng tingin. Kami na nga ba ulit? Hindi naman porke muntik nang may nangyari sa amin ay kami na ulit ‘di ba? Nadala lang kami ng init ng katawan kanina. Hanggang ngayon ramdam ko pa rin
