Cherry
Pagkatapos naming kumain ng panaghalian ay sinabi ko kay Jethro na kailangan ko munang bumalik sa opisina dahil baka hinahanap na ako ng mga empleyado ko. Hinatid na niya ako sa opisina dahil naiwan sa parking lot ng bahay niya iyong sasakyan ko. Sinabi ko na kukunin ko na lang kapag natapos na ang trabaho ko.
“Babalik naman ako agad kapag natapos ang trabaho ko.” Lumabas ako sa kanyang kotse.
“Sunduin na lang kita. Hindi ba alas-singko naman ng hapon natatapos ang trabaho mo?” nakapamulsang sabi niya.
Tumango ako. “Sige, ite-text na lang kita.” Ngumiti ako sabay lumakad papasok sa gusali ng aking pinagtratrabauhan.
Pagpasok ko pa lang sa opisina ay may lima nang empleyado ang nakasunod sa akin. Hindi pa lang ako nakakaupo ay may tinatanong na sila sa akin. Month end kasi ngay
