Cherry
Sa mga nagdaang mga araw ay puro trabaho lang iyong inatupag ko. Hindi kasi namin masagot ni Jethro iyong puzzle na binigay ng kung sino man kay Papa. Hindi kami makakuha ng clue sa nasabing puzzle. Xinerox ko na rin ito at palagi ko itong binabasa tuwing wala akong ginagawa.
Nasa opisina ako ngayon at walang masyadong ginagawa kaya naman ganoon ulit ang aking ginawa at binabasa ang puzzle na hawak ko. Maya-maya ay kumatok sabay pumasok si Fred sa aking opisina.
“Madam!” Umupo ito sa silya na nasa harapan ng aking lamesa. “Ano iyang binabasa mo?” Tinignan nito iyong hawak ko pero iniwas ko.
“Wala ito. Liham lang ito ng aking ama noon. Mahilig kasi siyang magbigay sa akin ng mga sasagutan kong mga riddles at puzzles noon. Binabasa ko lang ulit.” Sumandal ako sa aking upuan.
“Ay
