"Lory, bakit naman gano'n?" Hinang-hina siyang sumaldak sa sofa habang hinihilamos ang mukha niya.
"Wala lang 'yon, Stephen. Ano, kasi nagkasalubong lang talaga kami. Maniwala ka."
"Bakit bitbit niya 'yung bag mo?" Matalim niya kong tinignan.
"Kinuha niya, e. Wala na kong nagawa."
"Kahit na! May boyfriend ka!"
Napapikit ako sa lakas ng boses niya. Ngayon niya lang ako nasigawan nang ganito. Gusto ko tuloy maiyak.
"Sorry, sorry." Tumayo siya at dinukdok ang ulo sa balikat ko. "Pwede bang layuan mo siya? Hindi ako mapalagay kapag nakikita ko kayong magkalapit. Pakiramdam ko maaagaw ka niya ulit sa akin."
"Nangako ako sa'yo. Hindi na kita iiwan."
"Pero natatakot pa rin ako."
"Wala ka bang tiwala sa akin?"
"Meron, sobra-sobra pa nga, e. Sa kanya ko walang tiwala." Tinitigan niya k
