Pareho kaming tahimik lang na pumasok ng bahay. Nanghihina akong umupo sa couch habang siya naman ay nakikiramdam na nagbababa ng gamit sa gilid.
"Hindi ka na ba babalik sa office?" kibo ko. "Ayos lang ako kaya 'wag kang mag-alala," dugtong ko noong hindi siya sumagot.
Bumuga siya ng hangin na tila ba parang napapagod, nakapamewang at nakayuko habang palapit na sa pwesto ko. Natahimik ako. Alam kong hindi na naman maganda ang mood niya dahil sa nangyari.
"Anong sinabi niya ulit sa'yo? Bakit naabutan kitang nakikipag-iyakan sa kanya?" seryoso niyang tanong sabay hinto mismo sa harapan ko.
Takot akong tumingala sa kanya. Wala sa ayos ngayon ang mukha niya. Hindi ko tuloy maiwasang manahimik na lang at magkagat labi habang tinititigan ang mukha niya.
"Bakit ayaw mong magsalita?"
"Nakak
