Yakap ko siya ngayon habang hinihimas-himas ang dibdib.
"Pakasal tayo ulit, ha? Tayo ang pipili ng lahat," biglang kibo niya habang bumabaling patagilid sa akin.
"Gusto ko 'yon para kahit hindi ako makaalala. May memories pa rin ako ng kasal pagtanda ko."
"Hindi mo ba tiningnan 'yung photo album natin?"
"Tinignan. Kaso parang 'di naman tayo masaya no'n. Pilit lang ang ngiti mo sa lahat ng picture."
Natulog na siya kaya lalo na lang akong sumiksik sa kanya at natulog na rin.
Kinabukasan, nilabas niya ko papunta sa isang mall. Sabi niya mas malaki raw ang mall malapit sa bahay namin kaysa dito kaya na-excite tuloy akong lalo na makauwi.
"Gano'ng kama ang gusto ko kapag nakapagpatayo na tayo ng bahay." Turo niya sa kulay caramel na kama.
"Mukhang hindi malambot," biro ko.
"Tara sa b
