Napakunot ako ng nuo habang nagtatago sa isang pader. Magkausap ngayon sina Dina at Raf sa balcony.
"Alam kong hindi mo na siya pakakawalan. Pero nababaliw na rin si Stephen. Ayaw niya kaming tigilan at hindi raw siya titigil hangga't hindi niya nakikita si Lory."
"Hayaan mo lang siya."
"Raf, baka pwedeng kausapin mo siya."
"Dina, alam mo namang mas may karapatan siya kay Lory kaysa sa akin." Napahinto ako sa sinabi ni Raf habang pinipilit na maka-alala. "Siguradong kukunin niya dito si Lory kapag nakipagkita ko sa kanya."
Bumuntong hininga si Dina. "Naiintindihan ko. Dati boto ko kay Stephen pero nasaktan niya rin si Lory. Alam mo ba kung bakit niya tinago na naging sila ni Pia?" seryosong tanong niya.
"Naging sila lang naman dahil ginamit niya sa aking banta 'yon. Para hindi ko pak
