(Out of place)
HINDI NA NILA NADATNAN si Andrea sa hapag-kainan na labis na ipinagtaka ni Fortney. Nilinga niya ang paligid ngunit ni hindi niya makita ang anino ng babae.
“Nasaan si Andrea?” tanong niya.
“Baka nasa ibaba. Ang sabi ko kai huwag na tayo hintayin.”
“Siya ang nagluto lahat nito? Marunong siyang magluto gamit ang kahoy?” sunud-sunod na tanong niya.
“Ah. Oo Fortney! “ sa kung saan ay biglang sumulpot si Andrea.
Iba na ang suot nitong damit. Isa crop top at maiksing shorts na ang suot nito. Saan ang lakad? Nagsusuot rin naman siya ng ganoon pero sa isang liblib na lugar? Ano kaya ang trip ni Andrea?
“Kumain ka na ba? Sabayan mo na kami,” aniya.
“Oo naman.” Umupo ito sa tabi ni Garette.
“Masarap iyang luto ko. At saka favorite ni Garette ang sinangag, hindi ba?” Tinin
